Los Sucios actúan “en cru directo” este sábado 27 en Tameiga con entrada de balde

Los Sucios actúan “en cru directo” este sábado 27 en Tameiga con entrada de balde

Este sábado, ás 20 horas, o blues rock vaise apoderar do escenario ao aire libre do centro social e cultural As Pedriñas
Los Sucios, herdeiros da banda madrileña Dirty Stuff, combinan o garaxe e o rock sureño coa ironía e o humor das súas letras

Mos, 24 de xullo de 2024.- Novo plan imperdible para as e os amantes da boa música de Mos e da área de Vigo. Este sábado, 27 de xullo, desde as 20 horas, a banda de blues rock Los Sucios chega ao centro sociocultural As Pedriñas para actuar “en cru directo” e con entrada de balde. O concerto presenta o sistema de billeteira inversa, co que o público accede sen pagar e abona ao remate a cantidade que considere xusta polo espectáculo que acaba de presenciar.

O grupo vaise subir ao escenario ao aire libre que ten instalado a Comunidade de Montes de Tameiga no exterior do centro sociocultural As Pedriñas, un lugar idóneo para gozar dunha actuación que promete.

Catro músicos están detrás desta banda ocasional de blues rock, que traballan un bo repertorio de composicións propias. Los Sucios defínense a si mesmos como “fillos bastandos da madrileña banda Dirty Stuff”, unha formación cunha ampla traxectoria dándolle un toque propio ao mellor rock da historia: The Rolling Stones, The Animals, The Kinks, Credence Clearwater Revival, Jimmy Hendrix, The Doors…

Con esta herdanza, Los Sucios trazan un repertorio propio e singular. O grupo combina a frescura e solidez rítmicas do garaxe e do blues rock cun slide sureño e psicodélico, conformando un son único e distintivo sobre o que imprimen a ironía e o humor das súas letras.

Los Sucios, este sábado 27 ás 20 horas no centro sociocultural As Pedriñas, un concerto para pasalo ben coa mellor música rock, en boa compaña e ao aire libre. Un plan perfecto para unha fin de semana de verán.

A sala Rebullón

Xestionada pola Comunidade de Montes de Tameiga, a sala Rebullón converteuse en só seis anos nunha referencia para os espectáculos escénicos e musicais en Galicia. Vén de alzarse co Premio Martín Códax da Música 2023 á mellor sala de concertos, segundo a votación dos socios e socias de Músicas ao Vivo.

A Rebullón é un proxecto cultural centrado fundamentalmente nos concertos, pero no que tamén se programan sesións de cinema, danza ou teatro, conferencias, actividades infantís ou presentacións de libros. A súa versatilidade é unha das principais características deste espazo, configurado e definido por técnicos profesionais para lograr unha acústica e funcionalidade apta para acoller ao mellor da escena cultural galega.

A Comunidade de Montes de Tameiga

A Comunidade de Montes Veciñais en Man Común de Tameiga (Mos) é unha entidade sen ánimo de lucro que aglutina a máis de 400 familias comuneiras e xestiona actualmente 90 hectáreas de superficie forestal para conseguir beneficios medioambientais, sociais, enerxécticos e económicos para a súa veciñanza. O seu obxectivo principal é a defensa e protección do patrimonio común.

Xestiona os recursos acuíferos do territorio en beneficio da veciñanza comuneira e dispón dunha comunidade enerxética que reparte 350 pedidos anuais de 3 m3 de biomasa cada un, a prezo de costo. Ademais, a entidade é titular dun viveiro de empresas e do polígono industrial de Monte Faquiña, con máis de 20 naves industriais, que conta con instalacións fotovoltaicas que permiten un autoconsumo individual, abaratando os costes de producción e mellorando a competitividade das empresas.

Por outra banda, a CMVMC de Tameiga desenvolve unha intensa actividade sociocultural, a través da organización do festival infantil Miúdo Fest e da programación do CSCD As Pedriñas e da Sala Rebullón. Tamén colabora con organizacións deportivas, educativas e sociais do municipio.

Versión web

En cumprimiento do disposto na Lei Protección de Datos, para o exercicio dos seus dereitos de acceso, rectificación, cancelación e oposición ao tratamento dos seus datos personais, contidos nas nosas condicións de protección de datos, só ten que responder a este e-mail indicando o seu email no asunto, ou ben a través do envío de un correo ordinario a la dirección: Avd. Rebullón 23. Se desexa darse de baixa tamén pode premer aquí.